7. júní 2010

Safnið opnað 2010!

Þá erum við búin að opna safnið enn eitt vorið. Það hafa bæst við

Dixie Flyer árgerð 1919.

nokkur ný tæki í vetur og vor, við kláruðum að endurbyggja Oliver Cletrac HG beltadráttarvél. Þjóðminjasafn Íslands og Samgönguminjasafnið gerðu samstarfsamning um varðveislu og sýningu á Ford Zephyr Zodiac árgerð 1955 sem Sigurður Pétur Björnsson (Silli), bankastjóri á Húsavík átti. Silli gaf Þjóððminjasafniu bílinn árið 1991, síðan hefur hann verið í geymslum í Reykjavík en núna verður hann til sýnis hérna hjá okkur. Fyrir nokkrum dögum kom svo til okkar mjög sjaldséð bíltegund, en það er Dixie Flyer árgerð 1919. Dixie Flyer voru bara framleiddir árin 1916 til 1923, og eru afar fáir til í heiminum í dag. Þessi bíll kom nýr til Akureyrar og er ennþá ótrúlega heill. Arngrímur Jóhannsson á Akureyri lánaði okkur þennan bíl. Nú er safnið líka komið með síðu á Facebook, endilega kíkið á okkur þar.

13. júlí 2009

Safnadagurinn!

Hluti af bílaflotanum!

Í tilefni íslenska safnadagsins komu félagar í Bílaklúbbi Akureyrar í heimsókn til okkar á gömlu bílunum sínum. Jón Sigurðsson og feðgarnir Þorgrímur og Óli á Húsavík komu líka á sínum bílum. Dagurinn var hinn skemmtilegasti og ekki spillti fyrir þegar Skodi 440S árgerð 1956 renndi inn á planið. Þar var mætt par frá Tékklandi á ferðalagi. Það voru nálægt 100 gestir sem litu inn hjá okkur á þessum degi, sólin skein glatt en lognið var að flýta sér aðeins of mikið. Við hérna á safninu viljum þakka öllum gestunum fyrir góðan dag!

20. október 2008

Malbik!

Malbikun KM að störfum.

Jæja þá er búið að stækka og malbika bílaplanið austan við eldri sýningarskálann hjá okkur. Safnið er búið að fá mörg tæki í sumar og ég ætla að segja frá nokkrum. Eiríkur Óskarsson gaf okkur Cadillac 1982 sem var forsetabíll Íslands í tið Vigdísar Finnbogadóttur. Systkinin Hulda og Sigurjón í Bitrugerði í Eyjafirði gáfu safninu Hanomag R 12 árg. 1955, þau keyptu dráttarvélina nýja og hún er í ótrúlega góðu ástandi. Snjókötturinn hans Baldurs Sigurðssonar á Akureyri kom til okkar í lok september. Kötturinn er í fínu lagi og ber aldurinn vel, þrátt fyrir að eiga margar svaðilfarirnar að baki. Nú erum við byrjaðir að vinna í næsta verkefni, en það er Oliver Cletrac HG beltadráttarvél sem kom ný að Álafossi í Mosfellsbæ. Smellið á myndina til að sjá fleiri myndir frá okkur.   

25. maí 2008

Sumarið er komið!

Ford 1945 og 1938.

Jæja þá er sumarið komið hingað til okkar, brakandi blíða og hiti. Við keyrðum Ford 1938 vörubílinn inn í sýningarsalinn í síðustu viku. Hann er núna alveg eins og hann kom til landsins fyrir 70 árum. Báðir sýningarsalirnir eru nú orðnir klárir fyrir sumarið.

10. mars 2008

Búið að sprauta Fordinn!

Ford 1938.

Jæja þá er loksins komið lakk á Ford 1938 vörubílinn sem við erum búnir að vera að vinna í síðustu árin. Þessi bíll er smíðaður úr tveim bílum, Ingólfur Jónsson kaupfélagsstjóri á Hellu keypti annan bílinn nýjan. Hinn kom nýr til Hólaskólans í Hjaltadal. Þeir voru báðir svona grænir og svartir á litinn. Vonandi tekst okkur að klára hann fyrir sumarið. 

5. nóvember 2007

Veturinn er kominn!

Sunbeam Rapier

Jæja þá er veturinn kominn til okkar hérna í sveitina og við erum búin að koma flestum bílunum inn í hús, í dag eru 104 bílar og dráttarvélar inni. Emiliana Torrini söngkona gaf okkur þennan Sunbeam Rapier sem er á myndinni hérna til hliðar. Afi hennar, Aage L'orange jazz píanisti keypti hann nýjan. Við höfum fengið marga bíla á þessu ári m.a. Austin Gypsi árg. 1962, Mercedes Bens árg. 1985 Þ 400, Peugeot 504 árg. 1974, Oliver Cletrac HG beltadráttarvél árg 1946. Svo komu nokkrir bílar til geymslu. Síðasta föstudag komu tveir hópar til okkar, fyrst kom starfsfólk Norðlenska á Húsavík og um kvöldið kom Skeljungur með viðskiptavini sína í heimsókn. Smellið á myndina hérna til hægri og sjáið nokkrar myndir frá undanförnum dögum.

14. ágúst 2007

Fallegur gripur!

28. júlí 2007

Góðir gestir í heimsókn.

20. júní 2007

International 10-20 árg. 1930.

eldri fréttir